مساعدة وتواصل

أجوبة أكثر الأسئلة اللي بتوصلنا. إذا ما لقيت جوابك، راسلنا وبنرد عليك.

دفعت والاشتراك ما تفعّل

كليك بيفعّل اشتراكك فوراً بنفس اللحظة اللي بتحوّل فيها. إذا مرّ ساعتين وما تفعّل، ابعتلنا صورة إيصال الكليك عالواتساب ومنفعّله. الكاش بيتفعّل لما نستلمه. كود بطاقة مواصل بيفعّل الاشتراك فوراً.

الفيديو مش راضي يشتغل

تأكد من الإنترنت وحدّث الصفحة. إذا ضلّ واقف، ابعتلنا اسم الفيديو عالواتساب. الأسئلة بتشتغل حتى لو الفيديو ما اشتغل.

طلب مني أسجّل دخول من جديد

الاشتراك وكود الدوسية بيشتغلوا على جهاز واحد بالمرة. إذا دخلت من جهاز ثاني، بينتقلوا عليه وبيوقفوا على الجهاز الأول، وبتقدر تنقلهم 3 مرات بالأسبوع. جهازك ضاع أو خرب؟ راسلنا عالواتساب.

رمز الدخول ما وصل

شوف مجلد الرسائل غير المرغوب فيها (Spam)، استنى دقيقة، واطلب رمز جديد. أو ادخل بحساب Google بنفس الإيميل.

بدي الموقع بالإنجليزي

زر English تحت بآخر كل صفحة بيفتح نفس الصفحة بالإنجليزي، وتقدّمك واشتراكك بيضلّوا زي ما هم.

بدي الموقع على الشاشة الرئيسية بتلفوني

آيفون: افتح الموقع بـ Safari، اكبس زر المشاركة، وبعدها «إضافة إلى الشاشة الرئيسية». أندرويد: افتحه بـ Chrome، اكبس القائمة، وبعدها «تثبيت التطبيق» أو «إضافة إلى الشاشة الرئيسية».

مين أستاذ مواصل؟

مساعد ذكاء اصطناعي، مش إنسان. بيجاوب على أي سؤال بمادتك، من دروس الموقع أول وبعدها من معرفته بالمادة، وإله عدد أسئلة باليوم.