شروط الاستخدام
آخر تحديث: 07/11/2026
شو هو مواصل
مواصل منصة دراسة من طلاب الجامعة الأردنية لطلاب كلية الأعمال: فيديو قصير لكل فكرة، وأسئلة بعده، وأستاذ مواصل.
أستاذ مواصل مساعد ذكاء اصطناعي، مش إنسان. بيجاوب من دروس الموقع، والورقة اللي بتصوّرها بيشرحها من معرفته العامة بالمادة. ممكن يغلط، فالشرح والأسئلة على الموقع هم المرجع.
مواصل ما بيوعد بعلامات، وما عنده أسئلة الامتحانات، ومش تابع للجامعة.
اشتراك الفصل
الاشتراك بيفتح كل الأفكار المقفولة بمواد كلية الأعمال العشرة اللي على الموقع، والدوسية الرقمية لكل مادة، ويرفع حد أستاذ مواصل اليومي.
سعره والفصل اللي بيغطيه وآخر يوم فيه مكتوبين على صفحة الاشتراك قبل أي خطوة دفع.
بيبلّش يوم ما يتأكد الدفع، وبينتهي آخر يوم بالفصل بتوقيت عمّان، مهما كان يوم الدفع.
ما في تجديد تلقائي وما بنحفظ أي بطاقة. كل فصل دفعة جديدة بتختارها.
الأفكار المجانية وامتحانات المستوى مفتوحة للكل بدون اشتراك، وأول شابترين من كل دوسية رقمية مفتوحين لأي حساب.
الكتاب المطبوع مش ضمن الاشتراك. بينباع لحاله لكل مادة، وما في إشي على الموقع بده إياه.
الدفع
بتدفع بكليك، أو بكود بطاقة مواصل، أو كاش عن طريق الواتساب. أهلك بيقدروا يدفعوا عنك من رابط دفع بتبعته إلهم، بدون حساب.
كليك بيتأكد لحاله من رسالة البنك، وكود البطاقة بيفعّل فوراً، والكاش بيتفعّل لما نستلمه.
إذا وصلنا دفعتين لنفس الفصل، بنتواصل معك وبنرجّع الزيادة.
الاسترجاع
إذا دفعت وغيّرت رأيك، راسلنا عالواتساب خلال 24 ساعة من الدفع ومنرجعلك المبلغ كامل، وبينلغى الاشتراك.
الحساب والأجهزة
الحساب لإلك لحالك. الاشتراك وكود الدوسية بيشتغلوا على جهاز واحد بالمرة: لما تدخل من جهاز ثاني، حسابك بينتقل عليه، والجهاز القديم بيوقف يفتح المحتوى المدفوع. بتقدر تنقله 3 مرات بالأسبوع. الحساب المجاني ما إله حد بعدد الأجهزة.
الفيديوهات والأسئلة والشروحات والدوسية الرقمية للدراسة الشخصية. ممنوع تنسخها أو تنشرها أو تبيعها.
التغييرات
ممكن نعدّل الدروس أو نضيف عليها خلال الفصل. أي تغيير بهالشروط بنكتب تاريخه فوق.
تواصل معنا
واتساب وتلفون: +962 79 383 8885 · الإيميل: keefak@mwasel.study