سياسة الخصوصية
آخر تحديث: 30/10/2026
شو بنحفظ
إيميلك واسمك، ورقم موبايلك إذا عطيتنا إياه.
إجاباتك على الأسئلة، وتقدّمك بكل فكرة، ونتائج امتحاناتك التجريبية، والثانية اللي وقفت عندها بالفيديو، والشباتر اللي علّمت عليها بوضع الإنقاذ لكل امتحان.
دفعاتك: الطريقة والمبلغ والتاريخ. لما حدا يدفع بكليك، بنحفظ نص رسالة البنك اللي بتأكد الحوالة، وفيها اسم اللي حوّل.
رقم لكل جهاز بتدخل منه ونوع المتصفح، عشان قاعدة الجهاز الواحد.
كم صفحة بتفتح من الدوسية الرقمية بالدقيقة وباليوم، عشان نحميها من النسخ. بدون حساب بنعدّها على رمز محسوب من عنوان شبكتك، مش العنوان نفسه.
الصفحات اللي بتفتحها بالموقع مع وقتها، وقديش بتضل كل صفحة قدّامك، وقديش بتحضر من فيديو الشرح، ونوع جهازك (موبايل أو كمبيوتر). بنحفظها 90 يوم، وما بنحفظ معها عنوان IP.
أسئلتك لأستاذ مواصل وأجوبته إذا كنت داخل بحسابك، عشان نحسّن الأجوبة. الصورة اللي بتبعتها لأستاذ مواصل ما بنحفظها: بنحفظ بس النص اللي انقرأ منها، مع سؤالك.
إذا ما عندك حساب
بنحط بمتصفحك رقم جهاز عشوائي، وبنحفظ إجاباتك وتقدّمك عليه. أول ما تسجّل دخول، بينتقلوا لحسابك وبينمسح الرقم.
وبنحط كمان رقم عشوائي ثاني بس عشان نعدّ الزيارات: بنحفظ عليه الصفحات اللي بتفتحها ووقتها، وقديش بتضل كل صفحة قدّامك، وقديش بتحضر من فيديو الشرح، وبنحفظها 90 يوم، وما بنربطه بإجاباتك.
الأهل
صفحة الدفع اللي بتفتح لأهلك بتعرض اسمك الأول بس. الرابط ما فيه اسم ولا رقم ولا إيميل.
مين بيشوف بياناتك
ما بنبيع بياناتك ولا بنعطيها لحدا. في خدمات بنستعملها عشان الموقع يشتغل: يوتيوب للفيديوهات، وGoogle إذا دخلت بحسابها، وخدمة إرسال الإيميلات، وخدمات الذكاء الاصطناعي اللي بتجاوب أسئلة أستاذ مواصل وبتقرأ الصور اللي بتبعتها إله، وCloudflare اللي عليها الموقع وقاعدة البيانات.
الكوكيز
كوكي تسجيل الدخول، وكوكي رقم الجهاز وكوكي عدّ الزيارات للي ما عنده حساب، وكوكي اللغة اللي اخترتها. ما في كوكيز إعلانات.
مسح بياناتك
بأي وقت، راسلنا عالواتساب أو عالإيميل ومنمسح حسابك وكل البيانات المربوطة فيه.
واتساب وتلفون: +962 79 383 8885 · الإيميل: keefak@mwasel.study